懷孕明明係一件開心事，但唔少媽媽卻經歷一段「完全唔想食嘢」嘅孕期。食咗就反胃、聞到飯味已經想嘔，或者成日都心煩氣躁、成個人冇精神。明明BB需要營養，但自己卻一啲都唔想食落肚，搞到日復一日都好焦慮。
其實，呢啲情況唔單只係荷爾蒙作怪，更可能係體質問題，特別係「脾胃虛弱」搞鬼。如果你孕期胃口持續差，又容易攰、腸胃易唔舒服，咁就真係要留意下啦！
孕期點解成日胃口差、易反胃？其實係脾胃出事！
【懷孕初期最常見：噁心反胃、食慾低落】
一入懷孕初期，唔少媽媽都會開始經歷晨吐、噁心、聞到味就反胃，甚至連平時鍾意食嘅嘢都唔想再睇。呢個時期的確係因為荷爾蒙變化，尤其係HCG飆升，影響到腸胃功能。
但除咗賀爾蒙外，有研究指出其實同孕媽媽本身體質有關，特別係「脾胃虛弱」嘅人更容易中招。脾主運化，係身體吸收營養同消化嘅關鍵，如果脾虛，無論食乜都難吸收、易滯、易反胃。
【懷孕中後期都未改善？可能係脾氣兩虛＋壓力過大】
好多人以為過咗初期就會好返，但有啲媽媽中後期都仲食唔落、易飽滯、食少少就頂住，甚至胃氣上逆、胸悶心煩，搞到情緒都唔穩定。背後原因其實係懷孕期間胎兒壓住胃部，加上原本就有脾胃虛，身體一邊要養胎，一邊又要應付自己身體負荷，當然會食唔落。
再加上湊大仔、照顧家庭、工作等壓力，情緒一焦慮，亦會直接影響消化功能，形成惡性循環。
孕期胃口差唔等於「忍下就過」，調理脾胃先係根本！
【食唔到營養 BB吸收唔到，媽媽會愈來愈虛】
如果長期都食唔落，唔單止自己冇力氣，仲會影響胎兒發育。胎兒吸收營養全部靠媽媽，尤其係懷孕後期BB快速增重，如果媽媽脾胃弱、吸收差，就算食咗都未必「到位」，可能出現BB過輕、羊水不足、媽媽缺鐵、貧血等情況。
【先補脾胃，再講補營養】
唔少媽媽一見體重未夠就猛食補品，但如果脾胃未打底，反而會「補唔入」，搞到更加脹氣滯食。其實真正應該做嘅係「先補脾胃、再補營養」。
脾胃好咗，自然吸收能力提升，先可以將食物精華變成BB嘅養分，媽媽自己都會少咗攰、少咗情緒波動。
3個簡單方法，改善孕期胃口差＋脾胃虛
1. 飲食清淡溫暖，避免生冷難消化
懷孕期間應避免以下食物：
- 凍飲、冰品、生冷水果（如西瓜、火龍果）
- 煎炸燒烤、油膩外賣
- 味道太濃太鹹食品
建議：
- 改食易消化、清淡溫暖嘅食物，如粥、湯、蒸蛋、蒸魚
- 將一日三餐變成一日五餐，少量多餐減輕腸胃負擔
- 飯後可飲薑茶、暖水，幫助腸胃消化
💡可考慮加入健脾袪濕嘅湯水，例如：淮山蓮子粟米鬚瘦肉湯，適量飲用，溫和調理效果會比補品更實際。
2. 放鬆心情、減壓減躁，情緒影響腸胃更大
原來腸胃好大程度受到情緒影響，尤其係焦慮、抑鬱、緊張都會令消化變差。有啲媽媽話明明無病無痛，但只要一焦慮就想嘔或者食唔落，呢啲就係典型嘅「肝氣犯胃」表現。
建議：
- 每日安排一段Me time（就算得5分鐘都好），深呼吸或聽輕音樂
- 多啲同老公傾計／朋友傾訴，唔好將情緒收埋
- 記錄每日食咗啲咩、感覺點，有助察覺身體變化
3. 選擇適合孕期體質嘅補養方式：健脾同時補氣
一講補，唔少人就即刻諗到十全大補或者藥膳雞湯，但對脾胃虛弱又反胃嘅孕媽媽嚟講，太滋補反而容易負擔過重。
呢個時候，更適合揀啲溫和清補、健脾不燥嘅方式。
王朝滴雞精就係其中一個好選擇。採用12–18個月足齡母雞製作，無激素藥物殘留，經10小時恆溫燉滴、唔加水、不回流技術、零膽固醇、100%無添加，保留雞隻營養精華。
✔ 不含藥材，唔會燥熱
✔ 清香原味，溫潤唔膩口
✔ 含18種胺基酸（包括9種人體必需），每日一包幫你溫補唔上火
尤其對於脾胃弱、唔想食但又怕BB吸收唔夠營養嘅媽媽嚟講，可以係溫和但有效嘅補充方案。
小結：孕期反胃、唔想食，其實係身體畀你信號
懷孕係一段變化好大嘅旅程，身體亦都不斷喺調節中。如果你發現自己胃口差、成日反胃、心煩、攰又易敏感，唔好再單單怪荷爾蒙，可能真係身體畀你一個信號——你要開始調理脾胃啦！
從飲食、作息到日常補養，只要每日做少少，就可以慢慢改變體質，養好自己同BB一齊準備未來。
今個孕期，由打好「吸收力」開始！💪🏻
