懷孕係一段甜蜜又辛苦的歷程。尤其去到中後期，好多準媽媽都會發現身體開始出現一啲新挑戰：腳腫、水腫、夜晚難訓、半夜要起身去洗手間幾次⋯⋯瞓唔好、又攰又煩躁，第二朝仲要返工或者湊大仔女，真係身心俱疲。如果你都有呢啲情況，其實並唔係你一個人「特別難搞」，而係孕期常見狀況，可以透過調節日常習慣慢慢改善。
點解懷孕期間容易腳腫同水腫？
血液循環變慢，加重下半身負擔
隨住肚入面個BB愈嚟愈大，壓住盆腔靜脈，影響血液回流，尤其腳部最容易出現腫脹情況。再加上懷孕期間身體自然會增加體液儲存，加劇水腫現象。
有啲媽媽朝早仲好地地，但一到黃昏對腳就變「麵包腳」，脫鞋都覺得痴住痴住，甚至鞋都唔啱著。其實呢啲都係懷孕後期常見徵狀，但如果出現單邊腫脹或嚴重痛楚，就要盡快睇醫生，排除風險。
鈉質攝取過多或飲水不足
有啲人以為水腫係飲水飲得多，其實正正相反。當你水分攝取唔夠，身體會「緊張」儲起水份，反而導致水腫。而攝取過多高鈉食物，例如鹹食、醃製品，都會令身體保水，令腳腫情況更嚴重。
夜晚訓得唔好？成日夜尿、中途醒幾次點算？
BB壓住膀胱，自然易夜尿
好多準媽媽都話「夜晚一訓著就要起身兩三次去廁所」，其實因為子宮壓住膀胱，儲唔到太多尿，加上飲水量未有好好分配（例如臨瞓前飲太多），夜尿就特別頻密。
另外，夜晚氣溫轉變、賀爾蒙變化、腿部抽筋或者腸胃不適，都會影響睡眠質素，令你「訓得唔深」，半夜醒嚟嘅次數增加。
情緒壓力＋生理轉變＝淺眠難入睡
孕期媽媽情緒容易波動，一方面掛住BB健康，一方面又擔心工作、家庭安排，夜晚腦袋「關唔到機」，好容易訓得斷斷續續。再加上身體唔舒服，例如胃脹、腰痛、肚大唔識轉身，瞓覺變成一種挑戰。
3個簡單方法，幫準媽媽改善水腫與睡眠困擾
1. 合理分配飲水時間＋減鹽飲食
每日攝取足夠水分（約2000ml），早上至下午為主，臨訓前2小時盡量減少大量飲水，避免夜尿頻密。飲食方面減少醃製品、零食、加工食物攝取，多食新鮮蔬果、少油少鹽煮法，有助減輕身體負擔。
可加入暖水泡腳或用溫敷方法舒緩腳腫，提升下肢血液循環。
2. 訓前放鬆心情，建立入睡儀式
可以考慮每晚設一段放鬆時間，例如聽輕音樂、聞天然精油、飲一杯暖暖嘅無咖啡因花草茶（如薑茶）放鬆腸胃與情緒。避免睡前滑手機、睇新聞，令腦部太過活躍。
同時可以將腳稍為抬高（用枕頭墊住腳踝），幫助血液回流，減輕水腫及不適。
3. 補充營養、調理體質，打好底子
好多媽媽以為孕期已經要「大補」，但其實補得啱先最緊要。如果身體已經虛，腸胃差，吸收唔好，再食太補嘅野反而會積滯。建議以溫和、易吸收嘅食材為主，例如瘦肉湯、紅棗、黑木耳等。
滴滴雞湯：幫助準媽媽調理體質、改善水腫
如果你冇時間慢煲湯，日常都忙住湊大仔或返工，可以考慮以滴雞精作為每日簡單補養之選。王朝滴雞精嚴選12至18個月母雞，無激素無藥物殘留，100%純雞製作，不加水、不添加、零膽固醇，常溫保存好方便。
對準媽媽而言，滴雞精含有18種胺基酸（包括9種人體必需），有助補氣養血、提升精神與免疫力，同時改善水腫、手腳冰冷等虛寒體質。每日一小包，慢慢打好底，對媽媽好，對BB更加好。
小結：聽身體聲音，照顧自己係對BB最好嘅愛
好多準媽媽懷孕期間會專注照顧BB健康，卻忽略咗自己身體出現嘅小訊號。其實改善水腫、夜尿、訓唔好，唔一定要靠藥物，透過飲食、生活習慣同適當補養，已經可以慢慢調節。
記住：媽媽開心、舒服、瞓得好，BB先會健康快樂成長。由今日開始，俾多啲心機照顧自己，唔好覺得辛苦係理所當然，你值得過得輕鬆啲，舒服啲 💛
