懷孕進入中後期，好多媽媽都會問：「BB仲吸唔吸到足夠營養？」「我每日補咁多，到底吸唔吸收到？」其實，唔少孕媽媽都有一樣困擾：明明食得夠、瞓得多，但身體狀態好似愈來愈攰，成日脹氣、面青青、精神差。問題唔一定出係飲食，而係你嘅身體未Ready！
尤其係孕中後期，胎兒進入快速發育階段，對營養需求自然大增。如果媽媽本身體質未調好，唔單止自己容易出現狀況，仲會影響BB吸收力。今次就同你拆解3個媽媽最易忽略嘅盲點，同埋點樣喺孕期打好底，養好體質比BB吸收得更好！
1. 食得多未必吸收到：腸胃機能先決定胎兒營養
唔少媽媽以為「食得夠」就等於BB吸收到，其實未必。好多懷孕中期媽媽會遇到一個共通問題：成日脹氣、胃頂住、食極都唔吸收。呢啲狀況其實反映咗腸胃負荷太重，尤其喺荷爾蒙變化影響下，胃排空速度變慢，令你容易胃脹胃酸，甚至消化唔良。
呢種情況下，即使你每日食齊營養餐，BB都未必吸收到足夠養分。尤其蛋白質、鐵質、鈣質等「要靠吸收」先有效嘅營養素，更加容易流失。
想改善吸收力，媽媽可從以下幾方面入手：
- 每日三餐分量要均衡，唔好一次食太飽
- 早餐儘量進食暖胃食物，例如粥、蛋白質類食物
- 避免過多冷飲、甜品同高脂炸物，減輕腸胃壓力
2. 「夠瞓」未必等於有精神：原來氣血未補好
有冇試過每日瞓足8個鐘，起身都仲係攰？其實懷孕中後期「攰」得特別明顯，有可能係氣血未夠。孕期為咗供應BB所需，媽媽每日都喺大量「輸出」，如果補唔返，就 會出現面色黃、手腳冰冷、易攰易頭暈等問題。
氣血未夠唔單止影響媽媽狀態，仲會間接影響胎兒發育。因為胎盤營養供應係靠媽媽嘅血液循環，一旦氣血不足，胎兒吸收到嘅營養同氧氣自然會減少。
所以，媽媽除咗「瞓得夠」，更要「補得夠」：
- 飲食上加強補氣食材，如雞肉、紅棗（適量食用）、黑芝麻（適量食用）等
- 減少情緒波動，過勞會耗氣血
- 適度活動，例如散步、孕婦瑜伽，促進氣血運行
3. 唔止係BB要發展，你身體都要預備分娩
好多媽媽將重點放晒喺BB發育上，但其實你自己都係主角！孕中後期身體開始進入「備戰狀態」：骨盆鬆動、子宮增大、荷爾蒙變化劇烈，若果身體未準備好，唔單止容易出現水腫、便秘、失眠，分娩時亦會辛苦好多。
尤其係腸胃功能弱、代謝慢、排毒差嘅媽媽，更加要小心！因為一旦肝腸功能變差，唔單止容易火氣大、皮膚差，仲會影響荷爾蒙平衡，增加早產風險。
呢個時期媽媽可以做嘅：
- 飲食清淡但要有營養，保持每日定時排便
- 孕婦專用按摩／暖敷減少水腫
- 留意水分攝取，唔可以太少亦唔好過多
媽媽補得啱，BB先吸收到：從日常小細節調理體質
好多媽媽以為補身要大補，其實孕期補得啱先最重要。唔係補越多越好，而係「補到位、補得輕」。例如餐前空腹飲暖湯、早餐加啲易吸收蛋白質、每日一段時間讓自己真正放鬆，全部都係日常細節但有效嘅調理方法。
想真正做到「BB吸收得好」，一定要先令自己腸胃暖、血氣足、情緒穩，身體運作先會順。調理體質，並唔係特別困難，只要每日花少少心機，已經可以見到效果。
選擇適合孕中期的營養補充方案：滴滴精華，輕鬆吸收
當你每日忙住應付身體變化，唔一定有時間煲湯煮食。想簡單方便又有營養，王朝滴雞精係唔少媽媽嘅選擇：
✔ 嚴選12–18個月足齡母雞，無激素藥物殘留
✔ 10小時恆溫燉滴、唔加水，100%無添加
✔ 含有18種胺基酸，包括9種人體必需
✔ 容易吸收、溫補不燥，適合孕中期補氣養身
✔ 常溫保存，隨時飲都得
每日早餐或下午茶一包滴雞精，唔單止暖胃補氣，仲可以幫身體慢慢養底，為BB打好吸收基礎。
照顧自己，先照顧到BB—由孕中期開始打好底子
懷孕期間，媽媽嘅每一分努力，BB都會默默接收。要BB健康成長，媽媽更要好好照顧自己身體。由調理腸胃、補充氣血、到管理情緒，全部都係每日可以做到嘅小事，慢慢做，就會見到效果。
唔洗等到身體出現警號先開始補身，由而家開始，就係BB最好嘅準備！
